2007年9月11日 星期二

球隊輸波不是一個人要負上的責任


昨天看到有關豬仔的報導,有一點不開心。球隊輸波根本不會是一個人要負上的責任。其實球會從來未試過將球隊的成績推在一個球員的身上,甚至公開去譴責一個球員,如要論到責任,球隊輸波領導層才是應負上最大責任的。

其實在比賽後的晚飯,我們也安慰過豬仔,對他說:不要將一次的過失放在心。收拾心情,忘記過去。比賽盡力而為就可以了。今次事件,希望不會影響到球員的作戰心情,我們還有漫長的戰途要闖的。

而各位愉園球迷,也不要放棄對球隊的支持啊!球隊必定會繼續全力爭勝,對任何賽事都付最大的努力!

行政總監
石金華

11 則留言:

Isabell 提到...

絕不相信愉園會是一隊
輸波只賴球員、沒有人情味的球隊

我地會繼續支持,你地要繼續努力!知道麻!

Matchman, YM Tan 提到...

謝謝石仔及時走出來澄清, 可穩定軍心並以正視聽。

hin 提到...

希望球隊上下亦能團結一致,問題終會被排除的。

豬仔加油!愉園加油!

匿名 提到...

石仔,認真考累之前提意,全體球員到旺角埸拜土地。

匿名 提到...

經一事長一智,唔好再比一些別有用心
的傳媒入到位,有心人裝冇心人好容易,
今次事件好明顯已做到分化愉園球職
員同扇動外界批評愉園高層的作用.

另外本人認為狄亞高未能做到搶截同
傳送的角色,只是一位平平無奇的球員,
愉園中場脊骨位置是需要引入攻守兼備,
對抗性強的球員,所謂得中場得天下,但
愉園由上季開始就開始失中埸失天下,
上屆的大埔,今屆的流浪就是看通呢點,
一開波就用年青有活力的球員同愉園
搶中場,令愉園難以有效組織攻勢,所
以中埸球員的對抗性是愉園足球隊急需
解決的問題.

pp 提到...

非常同意石仔的睇法,希望球隊上下一心,團結一致~
另外昨天同一位上季08球員傾左一陣,佢話在上季甲組賽事中,面對愉園時是最輕鬆的,因為愉園中場好鬆,冇壓迫性的搶截,石仔真係要正視下呢個問題~

匿名 提到...

環顧全甲組, 以愉園既球員數目最少(唔計借予東方的三位球員), 這對於目標為爭標的球會來說, 並不及格。

而球員知道自己冇後備時, 踢起來只會更錫身, 因為佢地知道就算受傷都只會係自己繼續落場踢......相信流浪都係睇穿呢一點, 禮拜日先會有咁多埋身波。

匿名 提到...

HV's management was quite disappointing. They blame everything on one player once they played badly. Hope you guys really consider how to successfully lead a team. Otherwise, we won't be winning anything anytime soon...

匿名 提到...

真係估吾到, 一個這樣老牌球會和這樣資深的管理層,會說出一些傷害球會和球員的說話, 真係想問吓沈生, 有沒有收到其他球會的酬勞, 幫豬仔轉會

匿名 提到...

愉園的公關方面一直都做得比其他球會差
而且宣傳推廣方面又做得少之有少
依家沈生仲整d咁既言論出黎
真係令好多球迷對個會失望

多d做下宣傳,搞好個會既形象
呢點真係要諗諗佢
冇宣傳冇公關,好蝕底架!

匿名 提到...

麻煩石仔叫沈生醒小小啦.我覺得如果唔係佢講埋d咁既野.傳媒又點會咁寫呀!我果日係球場睇到亞沈生同朋友xyz咁話豬仔.離哂譜!