2007年8月21日 星期二

季前集訓篇之二

愉園隊仲有不足三個星期就要應付今屆第一場聯賽,但不利的消息卻在這時出現:較早前因為聯隊要應付巴塞的關係,而自己一隊的操練較少;上星期六友賽深圳大學,發現球隊尚有很多不足之處,三線的配搭並未如理想。

人腳方面,本地球員現時很難作出變更,我會在外援方面儘快作出調整,希望在個別位置有所補充。但時間仍然是最大的敵人,各位會友如有好提議不妨指教。一人計短,二人計長。

早幾日有朋友打電話俾我,話佢都有睇我哋嘅網誌,仲問我那些不願現身的老友是誰,我當時只笑不答。依家答你,你都係其中一個,多謝你一直的協助和支持。

星期四我哋會喺下晝四點對華家堡,大家可以幫吓眼。

行政總監
石金華

12 則留言:

Matchman, YM Tan 提到...

見到標題旁的照片, 令我諗起伊雲羅同法比奧。

佢地未必係本地最好波既外援, 但係好適合依家既愉園, 加上都叫做夾過幾季, 默契不成問題。

可惜佢地都已經去左東方....

其實之前短暫效力愉園的S祖利亞, 現時應尚是自由身, 可否考慮?

另外可否考慮收回唐建文? 坦白說增兵後的東方, 陣容人腳不少於愉園, 或許"江湖救急"的因素已無剛埋班般逼切。

匿名 提到...

最近去看過愉園操練
新個幾位外援質素真係麻麻
襯依家仲未開季
換多幾個高質外援吧!
如果開左季先黎換
即係又再步上年既後麈
外援問題要斬釘截鐵啊

另外,前鋒純用華人點夠其他隊踢??
唔講技術,身型都輸曬啦!
要羅錦標就要駛錢
叫官生認真諗諗啦!
說服老闆駛錢,係領導層其中一項重要工作啊

Isabell 提到...

倘若新外援表現未如理想,
一但發現就要即時換,
不止浪費金錢、時間,
還影響球隊成績,球員士氣。
前鋒方面非常薄弱,
細佬長期有傷,
棄用了2名球員,只補替了馬帥是不夠的。
多請一至兩名高質外援吧;
中場算是最多人選
暫時可算是比較安心的位置;
後防本來不俗,但最近放走了伊雲羅,
而卓卓事件又未解決,
亞迪雖是勤力,但未算高質,
所以比較麻煩,
盡快解決卓卓的問題吧!
如果放棄他便要即時再找另一個了。

已放走的球員就不要再想了
始終當初放走他,是有一定的原因的。

最後坦白說,
暫時新聘請的球員質素絕對未合格,
後備力量還可接受,
但正選方面真的仍有很多要改善的空間。
繼續努力呀!

匿名 提到...

好相信(官生)係肯使錢班主,只要各領導層盡快提出所需。

匿名 提到...

估吾到你行開一步, 愉園會遇到這麼大的問題, 解決問題是艱難的, 你越是心急, 問題會纏得越緊,但是你稍為放鬆一下, 答案自然出現, 努力。

Matchman, YM Tan 提到...

其實我既概念係與其依家仲博新援"貨要對辦", 倒不如搵番一d曾於本地聯賽亮相既外援, 至少佢地有幾多斤兩, 球隊可有一個預算。例如之前踢過晨曦既域陀, 雖然腳法欠奉但識入波, 其實係可考慮既對象。

另外, 禮拜一我都見到有個後生仔跟操, 其實可從前08球員入手, 即使未夠班打正選都可以加強板凳深度。

匿名 提到...

見到邊個跟操?

匿名 提到...

馬帥狀態未足,令貴會前鋒人才告急,
簽一名尖刀型外援刻不容緩,最好聯
絡到卓卓,他目前的狀態一定冇問題,
只要願意歸隊應給他機會,因他以往
的確幫貴隊立下不少功勞,他的歸隊
可以配合新外援踢雙中鋒,否則貴隊
可以試練4-5-1陣式,但尖刀型前鋒
一定要盡快簽到,否則攻力實在值得
憂慮.

stephenho 提到...

希望喺鋒線上可以加強la

加油啊!石仔!

匿名 提到...

睇左今日綱上消息, 知道球隊表現一般, 如果純為欠缺球員而表現不佳,這件事也急不來, 最緊要操起現有的球員, 回復狀態, 希望下星期到觀瀾湖集訓後, 會有好的表現。

匿名 提到...

管理層加強團結,盡快解决球隊不足問題。

匿名 提到...

前鋒未必一定非巴西不可,鄭兆聰,
佩狄里,基夫都不是巴西球員,但
卻幫愉園取得聯賽冠軍.