2007年8月14日 星期二

季前集訓篇之一

八月十一日可算是愉園足球隊近年其中一個大日子,接近一年的籌組,與西甲勁旅巴塞羅拿的表演賽終於可以成事。在此我要感激朱會長對球隊的支持,會長以旗下的觀瀾湖高爾夫球俱樂部及駿豪集團分別為賽事及聯隊冠名,是今次表演賽得以成功舉行的主因。

講翻新一屆的愉園隊,我們汲取了過去的經驗,在人腳上作出了相當的更換:外援方面, 除了上屆有優異演出的巴西外援, 蒙迪路及丹尼臣留隊外,還增加了兩位巴援,分別是26歲的防守中場迪亞高及27歲的中堅佐丹。另外國援方面,亦有曾效力瀋陽金德的門將周明樂、大連實德中鋒馬帥、及上季效力公民的巢鵬飛,加上梁振邦、張子鍵、蘇耀文,大軍陣容應比去年更強。

踏入新球季的備戰期,我再獲會長支持,八月廿七至卅一日將到觀瀾湖作季前集訓。另為加強隊內合作,我已為球隊安排了五場熱身賽,希望透過磨練,為未來正式比賽打好基礎。在此我希望各會友繼續支持愉園足球隊再創佳績。

行政總監

石金華

P.S. 以下為暫定友賽賽程。


(日期--------------------隊伍--------時間----地點)
八月十八日-----------深圳大學------1530----深大
八月中至下旬-----------待定----------------------
八月二十八日--------深圳上清飲-----1530----深圳
八月卅日-------------聯華紅牛------1600----深圳平湖
九月四日----------------東方--------1500----跑馬地

13 則留言:

Isabell 提到...

觀瀾湖集訓...好想跟埋你地去呀!
奈何冇時間...
你地要加油呀!
多d匯報球隊消息番黎比大家知道呀!

傑仔 提到...

新球季又開始喇..
今季要加油呀!~~^^

james 提到...

新的球季,我地會更加俾心機塙你地打氣
你地也要加油,爭取好成績喔

匿名 提到...

希望新球季,各球員打出拚勁,各球迷會落力為你地打氣!

匿名 提到...

卓卓會唔會番黎o架?

匿名 提到...

足主:官永義先生,你對球隊金錢付出。希望今屆球隊打出好成績。

匿名 提到...

亞雞(羅繼華)比心機攪好隊波,我對你投下信心。

匿名 提到...

石仔:透明道多啲,球迷自然對愉園會留意啲!

匿名 提到...

我支持愉園會己好幾年,有高潮亦都有低潮,但我都無離開到,因為有一個甘好足主(官永義)。希望各球員努力,今屆攞1或2個杯。

匿名 提到...

今年隊隊球隊都大搞宣傳工作
愉園都應多做相關活動
可以搵專人設計過一隻醒神熊貓吉祥物
出下球會產品: 毛巾, tee...
將個官網搞靚d
先會多人留意愉園,支持愉園呀!

匿名 提到...

包裝只是輔助
好波才是王道

希望今季愉園上下一心, 打出士氣, 踢出好波饗大家!

匿名 提到...

平哥:由球員,教練,到而家領隊,一步一步睇住你發展,好相信你的能力,希望球隊有一個更加好展望。加油!

匿名 提到...

平哥:有你扶助,相信教練(亞雞)一定把隊波教得好。