傷兵情況

大家好！有關幾位受傷球員的就醫情況。豹仔今日做手術。蒙迪路亦會年底做手術〈治療期起碼三個月〉。飛就因為比賽前兩日傷足踝，希望廿六號可以。湯美亦在康復中，但上星期未十足，怕再傷，故唔敢搏。此外亞迪亦有長期傷患，亦已經交由容醫生照顧。
球隊已經捱過最困難既時間，羅振邦已漸漸上力，李昕亦可以令教練有信心用佢，希望球隊可以在年底前再接再厲，擊敗對手，穩奪出線權，過一個開心既新年。
石金華

與中文大學成為合作伙伴

今天中午,我與剛從巴西返港的蒙迪路前往沙田威爾斯醫院會見運動員創傷治療科的容醫生,看看蒙迪路目前的傷勢進展.同時球會在下半季開始,將會與中文大學成為合作伙伴,中文大學將會派出研究生前往球場觀察球隊的操練及每名球員的身體數據,作出統計和調節,球會希望透過是次合作計劃,能了解球員的身體狀况及提升受傷後的治療,為球會爭取好成績.
愉園行政總監
石金華

少許回應

多謝大家比左咁多關於作客顏色既意見，遲D有樣出就再比大家睇。
高梵既加盟將改善調配既靈活，但如何使用，等教練團決定，由於佢仲要停三場，故最快都要二月三日才可以上陣，這段時間會安排友賽令佢習慣愉園既作戰方式。
最近聽到話外隊球迷打氣方式好，大家仲記唔記得愉園會既聚會，同大家介紹過節奏既型式，試下傳開去，我地有十幾個，遲D如果有三、四十個就會好好喇。
星期日會對大埔，希望大家多多鼓勵。
石金華字

08匯報

大家好！新一年開始，祝事事順利，身體健康。
幾件事同大家匯報：
1. 蒙迪路已經回巴西療傷，大約要兩個月時間，希望可以趕到聯賽盃後段比賽。
2. 人腳方面，我希望可以加強前線配搭，但好前鋒很難尋找，不過已經努力緊。
3. 好多人關心豬仔，我再次同大家講，官生同我仍然覺得豬仔係第一號華人門將，
祇是過去幾年佢幾乎無停過，壓力亦太大了，回左一段時間見佢已經精神番好多。
4. 有一事我想大家比意見，我想08-09加橙色作客球衣，希望有多少新鮮感。你點睇？

石金華

不吐不快

多謝大家支持愉園，今日我睇左好多留言，每個意見我都會加倍留心。
今日有件事覺得不吐不快，有關足總處理卓卓事件的手法；但要強調一點，係我個人意見。
較早前足總發信要求我為他們了解卓卓無去印尼的原因，我問過卓卓後覆回足總，卓卓話操練時已同教練反映護照有問題，來不及隨隊。
上星期我收到足總來信要追討三項費用，一、機票錢，二、機場稅，三，服裝費用 $3500。
有幾點我係唔同意的：
一、卓卓在操練時反映的問題足總無人跟進。
二、如果要收回服裝，唔會有太大反應，但要收$3500我就覺得太過份。
一個放棄國籍為代表隊效力的球員竟落得如此對待，我個人真有些失望的感覺。
石金華

回覆留言

今日早上有時間可以睇番早幾日D留言，好開心有咁多唔同意見俾我地。球隊的進步因素有好多，穩定性是其中之一，我同球員之間有不同溝通方法，現時的情況，亦不是換人的最佳時候、一個球員從加盟至融入要一段時間，從操練與作賽上觀察，人選配搭亦見改善，而家係一心一意集中精神打盃賽的時候，亦不想球員有其他雜念。我常跟球員說，我從不會把我的壓力轉架到他們身上，而現在提出換人祇會令球員加添疑慮。
讓我們集中精神準備22/11及25/11的比賽吧！

行政總監
石金華

報告會務

好一段日子無同大家報告會務，因為要處理的事情都幾多，球隊成績唔好，我相信愉園上下無一個人開心，到而家唔單止球員、就連官生亦受到很大的壓力，但努力改善之餘，我和官生還是要處理及安排一些較長期的部署。
講番近期的比賽，我們賽和華家堡及敗於紅牛腳下，我相信無一個領導層會在球隊失分下滿意比賽的演出，但以現時的人腳和配搭〈全部傷愈〉我相信球隊會很快重上軌道。
傷將之中，蒙迪路和潘文迪已經可以跟操，細佬亦已上場比賽，丹尼臣大約休息一個星期，我希望可以趕及盃賽上陣。
較早前我在操練中向球員強調整體合作的重要性，當中更提醒外援他們的角色，不單為生活而來，還要協助提升本地足球水平，所以愉園所選的都是球體系較好的國家球員，希望我們的理念正確，亦希望得到大家的認同和支持。

石金華