2008年2月11日 星期一

新春匯報

恭喜!恭喜!
恭喜大家萬事如意、心想事成!
新一年開始,大年初四球隊開始操練,為備戰周日對南華的比賽,平哥安排球員跑沙灘練體能。
蒙迪路已於年三十晚出院,正進行物理治療,譚亞福會負責全力協助。
年底有傳聞關於豬仔,我在此聲明,會方沒有放棄豬仔的念頭,希望大家不要因此而煩惱,守門員這位置跟別的不同,豬仔要倍加努力,一定有機會上場的,我在此保證,豬仔要繼續下苦功呀!
行政總監
石金華
二零零八年二月十一日

22 則留言:

匿名 提到...

期待蒙迪路復出

pp 提到...

好消息,新一年希望蒙廸路早日康復,石仔工作順利,各位愉園迷身體健康,心想事成,球隊週日能擊敗南華出線啦~

匿名 提到...

o個邊廂南華已經搞到有海外球隊搵佢地踢, 所以希望愉園高層除注意球隊成績外, 亦可多d注重球隊的品牌價值。

匿名 提到...

石仔呀, 聽聞馬帥可以踢番喇wor

雖然轉會窗已關, 但係假如重召之前注冊過既球員是否可行?

http://shidefc.sina.com.cn/2008-02-27/3/3060.shtml

匿名 提到...

樓上有人提議注重球隊的品牌價值..
咁多年黎愉園都唔識搞呢樣野..
紀念產品都冇一份..
聽D球迷講幾件TEE都係球迷會自己整架咋..
聽聞有件TEE話係球迷會會長O係PUMA活動..
走去搵PUMA個鬼佬高層幫手印添..
所以我對呢件衫都珍而重之..

愉園應該學下人地南華啦..
學五成都好好哩..
傑志晨曦流浪都有產品..
但老牌球會愉園竟然乜都冇..
作為愉園球迷記我..好唔開心..

匿名 提到...

馬帥?
見到李明,李欣,亞飛呢d你都仲夠膽用馬帥?
踢得番亦唔代表踢得好麻
搵個好d既外援好過啦
愉園唔好再靠agent搵外援喇
年年搵番黎d外援唔好多過好

匿名 提到...

今日報紙話蒙迪路收咧
要等到下季先有機會見返佢踢波了

Isabell 提到...

轉載自www.hvaafc.com/bbs球迷亞方的留言:

愉園來季展望

保留有實力外援,小心選擇新援
今年不少外援都令人失望,但仍有不少出色的外援
-法格拿:腳法上乘,交波好
-高梵:有港甲經驗,快速
-蒙迪路:上季表現出色,希望快d傷好

培訓年青球員
愉園既黃金一代已經老了
年青掛帥係必要沈國強,梁振邦十分重要
希望愉園能重視青訓同簽入多些
年青本地球員

宣傳球隊
南,傑,晨都重視宣傳,亦增加fans
如石總監提議既橙波衫...實體化吉祥物等等....

Dave 提到...

咩豬仔唔努力咩......

匿名 提到...

下場對南華
愉園必勝!!!!

匿名 提到...

流浪係香港青訓基地...
佢出D球員有d都幾好
可以諗諗

匿名 提到...

回Dave:
唔係你努力就一定有得出既
人地比你更努力,更有表現
你咪要加倍努力囉..=.=

匿名 提到...

高層要諗定下季點搞喇
要快快從外援方便著手
外援小心選擇
國援...真係唔好諗喇
過往有幾多個國援係算得上勁?! 答案係冇!

另外, 愉園既宣傳方面
都應該要有進一步的行動
不能停滯不前

努力呵!

Matchman, YM Tan 提到...

見到上面對國援多有鞭撻之聲, 唯不能不察既係自聯賽次循環起, 愉園五戰得兩勝三和, 入四球僅失一球, 表現已有提升, 更重要係四個入球中三球為國援巢鵬飛射入(對晨曦及南華),兩場皆勝。

更難能可貴既係佢係隊中最年輕的球員, 即使現時球技及體能尚有不足, 但這種重用年青球員(仲有細佬、梁振邦、高梵等)既是愉園交班時的陣痛,但也是必需的。

當然搵適合球隊需要及能帶起隊波的外援, 既可提升實力亦可幫助小將們的成長, 但我更希望愉園於季後繼續吸納年輕具潛質既小將(本地也好國援亦可,畢竟本地球員買少見少)並加強青訓, 始終這是對球會及球市最有利的發展模式。

匿名 提到...

愉園現時人腳都唔錯
只要將冇用既外援放走
買入一些高質外援就可
我建議買入一個有氣有力而又有技術的球員
配合靈活而有衝勁既高梵
一個有技術、一個有活力
前面殺曬!!

匿名 提到...

愉園呀愉園
點解次次都衰收尾...

一換入d後備就現曬形
証明後備質素不足
亦証明球員體力不繼

其實有冇諗過加多個外國體能教練?
南華今年季初、同傑志上年季初
都踢得好好, 有好成績
不約而同地, 是有體能教練有完善既訓練系統

愉園球員往年可懶球員年幾老
但今年已經引入好多年青球員
但次次下半場都唔夠人踢...

匿名 提到...

愉園近兩場攻力有攻善,主要原因是三個用波
能力強前鋒的絲絲入扣演出,即是高梵,湯美,
法格拿的相互配合,入球者不是最大的英雄,
造就他入球的隊友才是愉園的重心.
愉園下半場中前場球員缺氣,是他們下半場就捱打,屢現失兩,三球而又零入球的主因,聯賽
作客聯華下半場零入球失三球,銀牌分組賽對
傑志下半場零入球失三球,上場對東方下半場
零入球失兩球,點解愉園每到下半場就不懂得
入球和控制住領先的優勢,皆因個別中場及前
場球員只45分鐘氣力,最明顯是潘文狄,巢鵬
飛,湯美,而後備又板櫈薄弱,李昕,李明,馬高
斯...只有越幫越忙,幸而法格拿及時傷愈復
出,以及高梵經過短暫的適應期便能在愉園獨
當一面,才令愉園近兩埸的上半場踢出悅目足球,否則只靠上半季的華人鋒線,實在令人對
愉園有暮氣沉沉的感覺.
機會係留給有潛質的年青球員,高梵入對貨,
只要短暫的機會就能在愉園發光發熱,入錯
貨的,只會成為愉園的負累,如果將錯就錯,
引入了的劣質國援不去更換,愉園將不會出
現澳利華拉而是將錯就錯的周明樂.
有料的年青球員,只要給予短暫的適應期就
能在愉園獨當一面,以前例子有劉榮業,梁帥
榮,譚亞福,近代的有郭裕洪,高梵,如果將錯
就錯,給予劣質的球員在愉園上陣,就會出現
愉園連續兩屆上半季就宣佈與聯賽錦標無緣
的情況,唔係踢波材料就唔係踢波材料,及早
更換未能踢愉園這類大會的年青球員,再向外發掘如高梵這類有足球天分的新秀給予機會,
才是愉園裁培球員的正確方向,將錯就錯只會
如這兩屆的愉園一樣,攻力薄弱成為球迷的笑
柄,等到那些入錯貨的國援成材,南華已經奪
了不知多少次聯賽冠軍了,出現這種情況,愉
園這類老牌爭標的大球會接受得到嗎?即使
愉園高層接受得到,到的已經難挽回愉園在
香港球迷的形象,愉園都是盡快尋求新一批
有潛質的球員去造就吧,入錯貨的就要像周明
樂一樣痛定思痛而放棄,將錯就錯只會成為笑
柄及成為愉園下屆爭取各大錦標的障礙.

匿名 提到...

上樓主的話, 金石良言
相信領導人心中已有定案

期望愉園能保留奧利華拉、
蒙迪路、法格拿等好波之人

匿名 提到...

入球者也不是英雄? 講到底再好波都係要將個波擺到入網, 或能造就直接機會予隊友建功的才是優秀的進攻球員。

年輕球員正係要從比賽中汲取經驗(當中包括成功與失敗)才能成長, 像南華這樣只懂拿現成貨, 並對球員呼之則來揮之則去的球隊不應也絕不要是愉園的榜樣。

像樓上的朋友提到的高梵正正從福建, 流浪等奪得大量上陣機會才有現在的發光發熱。他也不是踢了三兩場便有現在的表現。

而愉園近期走勢轉強, 從球員默契改善, 亦不能忽略球員逐漸從傷病中康復及比賽中的鬥志比季初旺盛等因素。如只靠技術、好波便能取勝, 那麼巴西該是每一屆的世界盃冠軍。

另外今季多了轉會限期亦令球隊無法在季尾中增兵, 亦請樓上的諸位明察; 此教訓是要汲取, 但假若因以上錯誤(未有及時於一月期限多加新兵)已成卻又復如樓上所言放棄一眾球員(按該名單將有五六名球員之多), 屆時球隊將連要作出調動也要困難, 希望樓上諸位能理解當中的利害。

p.s. 歧視國援等同無視今屆公民異軍突起的關鍵, 慎之慎之。

匿名 提到...

wbxshiori和蘭斯特講粗口

匿名 提到...

wbxshiori和蘭斯特講粗口

匿名 提到...

wbxshiori和蘭斯特講粗口